Brynjar Már

Brynjar Már hefur verið að garfa í músík síðan hann var 12 ára gamall og heillaðist að útvarpi út af tónlistinni. Brynjar stofnaði útvarpsstöðina Steríó, síðar KissFM árið 2001. Hann rak einnig Íslensku stöðina, Músík, XFM ofl. Brynjar hefur verið plötusnúður í 10 ár og skemmt um land allt. Brynjar er að vinna að nýrri plötu og fer reglulega erlendis til að spila á tónleikum, ásamt því að hoppa reglulega til Kaupmannahafnar að stunda nám við Complete Vocal Institution.

Þórhallur

Þórhallur Þórhallson er 28 ára atvinnuvitleysingur. Hann hefur verið í uppistandi í nokkur ár og vann meðal annars keppnina Fyndnasti maður íslands. Hann ólst upp í Seljahverfinu en er miðbæjarrotta í dag. Þórhallur hefur sérstakt dálæti á góðum sokkum og í frítíma sínum stoppar hann í sokka af áfergju.

Pétur Valmundarson - Framleiðsla

Pétur Valmundarson er fæddur og uppalinn á Akureyril. Fæddur á því herrans ári 1987 og vinsælasta lag Billboard listans á fæðingardaginn, í desember, var Faith með George Michael. Pétur hefur starfað hjá 365 miðlum síðan í janúar 2011, þá mest í dagskrárgerð á FM957. Hans aðkoma að Morgunþættinum Magasín er almenn framleiðsla og má segja að hann sé þá „producer“ þáttarins. Pétur vinnur einnig að dagskrárgerð Íslenska Listanns á Stöð 2 með þeim Ernu Hrönn og Brynjari Má.

Jóhannes Kristjánsson - Tæknistjóri

Jóhannes K. Kristjánsson, tæknimaður, er elsti unglingurinn á FM957. Hann hefur verið viðloðandi útvarp síðan 1986. Hann tók þátt í stofnun útvarpsstöðvarinnar Útrás, útvarpsstöð framhaldsskólanema. Jóhannes sér um að FM957 sé í loftinu allan sólarhringinn. Hann er líka góður með pensilinn og málar olíumálverk í frístundum sínum.